وماتت سمر

ثلاثة أسر تدور حولهمـ قصص وسواليف .. مرآ تكون مضحكـة ومرآ يتقطع القلب من المهآ والحزن ..~
هالأســـر عايشـة مترابطة مع بعضهآ .. ثنتين منهم بالقريـة .. والثالثة بالعاصمة تعيش ..
سعود ( الاب) .. فآتن ( الأم ) .. نورة 24 تدرس بجامعة الملك سعوود تخصص حاسب ..
وَ تهاني بثاني ثانوي 17 .. وَ سارة 15 بثالث متوسط .. وَ خلود 10 برابع ابتدائي .. وَ ريما 6 تدرس بالروضة
.. عبدالرحمن 21 بجامعة الملك سعود تخصص هندسة ... وعبدالعزيز 18 بثالث ثانوي .. هذي العائلة اللي
تسكن بالرياض .. وسعود اب يشتغل رجل أمن .. وفاتن ربة منزل ..
طبعا فاتن هذي عندها اخوين يسكنوون بالقرية ودايم يزورونهم بالاجازات .. الاخو الكبير اسمه محمد يشتغل بالزراعة .. وعند 3 اولاد و3 بنات ..
<< عدل ^___^ .
خالد 21 سنة يدرس بالخرج .. وعبدالله 18 سنة بثالث ثانوي . ومشاري 16 باول ثانوي وشيماء باول متوسط ونهى برابع ابتدائي وديمآ باول ابتدائي .
.وامهمـ حصة ربة منزل .. أما سالم الاخو الاصغر لفاتنـ متزوج وله 5 بنات من غير عيال .. سمر 18 سنة بثالث ثانوي وسندس باول ثانوي و امل
باول متوسط وغيداء ب رابع ابتدائي وربا بثاني ابتدائي والام خولة معلة ابتدائي ..
الحين عرفنآ الاسر الثلاثة وكم نفر عندهم ..~ نجي لحياتهمـ وعيشتهمـ ..~
..
مرة من المرات .. كآن بوقت المدارس والدراسة .. كانت الاجواء هادئة والبنات يدوفرون والعيال متسدحين بالشوارع من الفضاوة < مآيدرسون خير شر والدرجات احسن من الدفرة ..
كانت الوقت المغرب وبكرا يوم الاحد .. في بيت [سعد] .. :
خولة : اميل قومي جعلتس مانيب قايلته احد ينوم المغرب تلقاس ماكملتي مذاكرة ولاحل الانقليزي اللي تقولي ماعرفت له .. وصياح لحد ماقامت
الفطيسة ..
وفي الجهة الاخرى من بيت سعد .. سندس قاعدة تدوفر مسكة كتاب الفيزياء "اعووذ بالله منه ومن شره" وتعصر بهالمخ والمخيخ حووله تحسب مسالة
<< هع اجل لو اختبار وش بتسوي ..
وسمر ماسكة الجوال داقة سالفة مع خويتها منوول ولا كانها بثالث شااطحة .. وربا بالمطبخ تذاكر << احد يذاكر بالطبخ !!!<< ايه تخلي الشغالة تسمع
وغيداء ماسكة مع امها الا تسمعين لي كل كتبي << وطقاق وغثا مبزرة ..
وفي البيت المقابل ..
أمهم حصة : ماسكة ديما تملي عليها أَ إِ وصياح ىووجع راس لما حفظتهم << صعبة هع .. ونهى تدج بالشارع بسيكلها < ولد مصبنة ..وشيماء فاتحة البوربوينت تسوي عرض من الفضاوة والعيال برا بالشارع يلعبوون .. وخالد راقد من الظهر والادهى والامر ان بكرا عنده اختبار صعب ..
الابومحمد : بريه قم جعلك الضرب تبي ترسب وتفشلنا قم قامت عصبك ..
خالد: هاااااااه يوووووووووووه جانا الشايب يون ويطنطن لحوول محد يعرف ينوم بهالبيت ..
وش تبي انت ؟؟
الابو محمد : بعقاله على ظهره وش بي اجل !! وش ابي !! قم ادرس الله لا يبارك بالدراسة وساعتها ..
خالد : قريييييييييييييت وحفظظظت
الابو محمد : ارتفع ضغطه وقام راسسه يدخن .. طلع لمجلسه برا يتقهوا ويروق ..
نادى ع ولده .. : عبييييييييييييييييييييييييد < مارد
عببببببببببببيد ضربة امش
عبيد : هااه وشو
الابو : ماتسمع انت نركب لك سماعات .. تقطعت حبالي الصوتية بسبتك ..
عبيد : الا اسمع وش دعوة !! بسسس نسييت هالصووت << يستهبل
الابو مدري من وين يلاقيها منه ولا من خويلد الاثول الفطيسة
الابو محمد : قم قوم بريه .. ولاعيا كب عليه البرادة ..
عبيد : تامر امر يابووي .. مطلبت شيء بسسس .. << الا الاستلعان يعشق ابو ابووه ..
ثم يروح يم اخوه .. بتقووم ولا استلعن بحسبتك .. وذااك غطيطة ميدري وين ربي حاطه فيه نااااااااااايم
قام عبيد يم البرادة اللي كبر بيتهم بالسوور ..
عبيد : اقول شايلك شاايلك << متحمس وهو يشيل<< يحااتسي البرادة الاثول
اعععععععع << يشيل يعني هع ...
اووه اوووه اووووووووه <؛ من التعب واحمرار الوجه ..
امه حصة تسمع الصوت وش يسوي الاهبل ذا ومن يحاتسي وتقووم له
الام : عبيييييييييييييييييييييييييد !!!! < بصوت عالي ومفجوعة منه
عبيد : هااااااااااااااااااااااااااااااااااااااااااااااااا اه < من الرووعة
الام : وش تسوي ؟؟
عبيد : ابوي يقول كب البرادة ع خويلد اذا ماقام بعد .. وانا الحين جالس انفذ الاوامر حرفا حرفا ..
الام : تصلح وانا امك شرطي ههههههههه اقول انقلع بس تستهبل انت ووجهك ؟؟!!
عبيد: لا والله العظيم قسما عظما ما استهبل .. بس طاعة ابوي واجبة ..
منتي مصدقة خذي خذي < يطلع جواله من مخبااته ... خذي كلمي ابوي وشوفي ..
الام: تمسك عبيد من شعره وتدفه منااااك طس قومه بسس ..
عبيد : يدخل ع خويلد بالغرفة .. ويتسند ع الجدار .. 1 – 2 – 3 ويجي طااااااااااااير وهووووبا ع بطن اخووه ..
خالد : اععععععععععععععععع قام مفجووع .. يا ابن الكلب ياحقير احسب البيت طاح علي < هع ابو الاستهبال
ويقوم عليه طق وعبيد يضحك مستانس اهم شيء روعه ..
وهناك بالريااض ..
تهاني : تذاكر عندها بكرا اختبار كيمياء ..
وسارة : ع المسسن تهذر مع خوياتها .. من الظهر وخلود وريما يلعبن مع بعض .. ونولاة بالمطبخ تسوي حلا كششخة ..
وفاتن "الام" منسدحة عند قناة بداية والابو بالشغل والعيال برا ..
..
وهيك تمر الايام بسرعة .. بس يوم من الايام الربووع تحديدا بالليل .. يرن التليفوون تررررررررررن ترررررررررن ..
ع بيت خولة ..
خولة : الو نعم ..
حصة : هلا والله ومسهلا
خولة : هلا بتس والله
كيفك والعيال .. ياكاافي وراتس قااطعة
حصة : ابد والله دراسة وحوسة وابونا ورجاجيله سامحينا ..
خولة: لاا وش دعوة معذورة يخيتي .. الله يعين ..
حصة : الا اقوول شرايتس تجين يمي بالدكة نتقهوا ونسوولف ..
خولة : بشووف ابونا ماجا جيتكم ..
حصة : طيب بسسس جيبي البنيات معتس
خولة : طيب ان شاءئ الله
طن طن طن << سكروااا
راحوا للدكة وفلووها اكل وسوالف ..
قامت سمر بتودي القهوة للمطبخ تغسلم الشغالة وتجيب الشاي معها ..
وتاخذ عباتها وتلبسه ..
حصة : وشهوله عباة قدامتس احد
سمر : اخاف عيالتس فيه
حصة : لا لا محدن فيه خالد رراقد ماهوب يمك
سمر : طيب .. وترمي العباة وتروح ..وهي لابسة تيور اسود وبلوزا صفراء والشعر عاكفته ..
والمطبخ قباله غرفة خالد ..كانت مفتووحة ..والولد من شين الحظ اثاريه توه صاحي من النوم
الا يشوف ذيك اللي تمر من ورا .. يفرك عيووونه ويناظر .. يوم رجعت سمر بالششاي الا تشوف الولد يناظر ويتقزز فيها وتدخل بسرعة للمطبخ ..
سمر: سي سي "الشغالة" روحي سكري باب الغرفة حق ولد بسرعة ..
طلعت سي سي تسكره .. وراحت سمر بالشاي .. وجلست تفكر بنظراته غريبــة !! ومستغربة بالحييل مرت 12 سنة تحبه وماعبرها ..
ولا بعد يحب غيرها .. حاولت توصل له حاولت بكل الطرق مقدرت .. وهو برضو يتجاهلها .. واليووم تشووفه بنظرات غريبة ..
حصة : تصب الشاي وتعطيه سمر
حصة : سمر سمي
سمر : فاااااااااااااااااهية وتفكر لبعيد
حصة : سمممممممممممممممممر بصوت عالي ..
سمر : انفجعت .. هااااااااااااااااه وشو
حصة : وين رحتي ..
شيماء وسندس بصوت واحد : ياحظ من تفكر فيه
سمر : اقوول تعرفوت تسكتوون وهي معصبة عليهم .. مفكر بشيء بس لاني نسيت احل واجب الرياضيات ..<< تعرف تصررف امحق
سندس : لا عاااااااااااااااااااد ياحرااام اقول من متى دفرتي ترا بكرا خميس هع ..
كلهم : هههههههههههههههههههههههههههههههههههههههه
سمر : تقلبت الوان .. بس تعرفيني ياسندس انسى بسرعة
وتعطي نظرات حااقدة ع اختها وبنت العم شيماء ..
امل : تناظر فيهم وتضحك ههههههههههههه احسسن
..
راحوا للبيت عائلة خولة .. ويناموون .. بس سمر باقي مانامت تفكر بنظرته ..
ارسلت لبنت عمتها نورة مسج تقول لها ع اللي حصل اليوم .. بس ساحبة ماردت نايمة
وتمر الايام داسة اختبارات ..
جت الاجازة بين النصفين ..

بااااااااك






عائلة سالم راحوا للرياض يزوروا عمانهم وخوالهم ...
كان في يوم من الايام .. لبسوا وطلعوا لمنتزه سلام مع عمتهم فاتن .. وهناك فلوها ..
سمر : نوره اشرايك ادفك ع بحر الرياض ..
نورة : لا لا ياويلك < صدقت هههههههههه
نورة : بعدين شفيك انتي علي ؟؟
سمر : يختي من الحب ماذب في البحر < خربت ابو المثل
نورة : هههههههههههههههه وهي تضحك الا دوووووووووووووف ..
طاحت بحصاة قدامها ..
سمر : لفت يسار ع واحد يبيع بالونات ..
سمر: هذا بكم ..
البايع: بعشرة
سمر : رخيصة تبي بعشرين < هلوست البنت وباقي ماسكة ضكتها
نورة : سممممممممممر < البنت توها تقوم من الارض
سمر : نعم اختي < كانها متعرفها هههههههه
نورة : سمر وضربة سخيفة بجد ليه ماقومتيني
سمر : فشلتينا الشباب اللي قدام كلهم فطسوا ضحك عليك
نورة : لا عااااااااااااد وخبطة بيدها ع ظهر سمر < تعور بجد هع
المهم خذولهم كونزون وقعدوا ع شاطئ بحر الرياض وفي شلة شباب على اليسار
سمر : شوفي ثالث واحد فيهم على اليسار شهر ع كثييير ويجنن ملامحه خطيره وترفع يدها فووق وتقول : ي رب ي رب زوجني واحد مثله
بس مطوع << ماتجي قسم هههههههههههه
نورة : ههههههههههههههههههههههه بصوت عالي
الشباب : قاموا يطالعون فيهم
سمر : الله يقطع بليسك متعرفين تضحكين
نورة : وشو باسم الله علي بغيت انوكل < هع متعووبة عليها ههههههههههههههه
الا شوي يمر جنبهم وآآحد يرقم ..
سمر : هلا بالسعد والله توها بتنقل الرقم << خبلة
نورة : تاخذ الرقم وهووووبااااااااااه ترميه ببحر الرياض
وتسحب سمر من يدهآ وتوديها لامهآ هنآآك .. وذاك الولد يتابعهم من ورا ..
نورة وسمر لسوا ع الارض جنبه اهلهم .. وتهاني قامت تشري مآآي
رآحت للبياع جاها الولد .. قال : لو سمحتي في بنت من شوي جلست بجنبكم معاها خويتها السمينة عدي العصلا هالرقم واكون لك محب وشاكر ..
تهاني : ياحقيييييييييييييير < بصوت عالي
التفت اللي حولهآ عليها
هرب الولد وهو يضحك هع < اختف المسكين من صراخهآ
وجت الساعة 12 ونصف وكلن مشى لبيته ..
الصباح الساعة 6 ونص .. النااس نايمة ..جوال سمر .. تويت ويت... تويت ويت .. < نغمة رسالة هع
قامت عليها سمر وفتحتهآ .. الا بلمت عيونا بالشااشة ..
[ احترت مليون مرة هل ارسل ولا لا ..
ولحد الحين محتار ..
صدق انك ساحرة !!
قدرتي علي مثل ماتبي ..
سرقتي قلبي منّي ..وعيوني حرمتيها النووم ..
يختي مو عيب الحب ..
أحببببببببببببببببببببببببببببببببببببببببببك
سمر حدهآ مستانسة واخيرا اعترف واخيرا بين مشاعره واخيرا ..
بس باقي متاكت مية بالمية الان الرقم غريب متعرفه .. ارسلت له .. يقلبي والله ماخاب ظني فيك بسس مين انت خالد ؟؟
بعده بدقايق ..ارسل لهآ ..
[ وه بسس فديتك انتي ..
بسس تعالي يقلبي :
منو خالد هذا ؟؟!!
زعلتيني انا احمد اللي بسلام لابس برمودا خضراء <هع خذيت رقمك انتي حاطته اسم البلوتوث ..
سمر : مسكت نفسها شوي ثم تهئ تهئ تهئ بكت بكت لحد ماقام ع بكاها اختها الصغيرة ..
سمر وش فيك < شوي بتصيح معها
سمر : تمسح دموعها لا لا مافيني شيء بس يعورني ضرسي
وتنوم البنت وهي متحطمة ..
بعد يومين .. رجعوا للقرية .. نزلوا من السيارة .. وبدوا ينزلوا الاغراض شوي يطل خالد من بيتهم بيركب سيارته
سمر : توها بتدخل البيت الا تلتفت عليه وتقول : كشششش بيدها ع وجهه
خالد : يناظر وراه في احد .. ويرفع يده يقوول : الحمدلله رب العالمين ..
وعبيد توه يجي وراه : قال الرحمن الرحيم هع
ويركب ويشغل ويروووح ..
ويبدا الفصل الدراسي الثاني .. وتبدا الدفرة وثالث اخر سنة لسمر ..~
....

بااااااااااك



بيوم من الايامـ .. كان الثلوووث ووقت العصرية ..
سمر ماسكة بدفتر الرياضيات وكان اخر اختبااارات قصيرة بثالث ..
وبالغرفة وتطاق الدفتر ..
لحد المغرب ..
سندس : طق طق < تطق الباب ع سمر
سمر: نعم !!!! مشغووووووووووووووولة<< بتصيح مافهمت مسالة
سندس: تفتح الباب .... سمر امي تقول تعالي تقهوووي
سمر : مانيب فاضية لا اجي ولا اكل بعدييين لاجعت جيت
سندنس : الله واكبر يالدفرة اقول امشي بس اسمعي الكلام
ولا بجيب لتس القهوة هنا امي تقوله
و10 دقايق مطاق تحاولهآ تجي ..
سمر : اووووووووف ياشين اللي مثلتس ..
وتطلع للصالة
طلعت تتقهوآ مع اهلهآ وتسنع راسهآ ..
الا شوي يرن جوآال ابوهآ ..
سالم : الو السلام عليكم
اخوه محمد: وعليكم السلام هلا بك
لا بغيت اقوول لك ان عمي صالح "كبير بالعمر ومن زمااااااااان ماجا " ..
بالطريق جآي وبيمر البيت بيسلم وبيمشي للريااض ..
سالم : لاعااااد الساعة المباركة تو ما انور البيت ابششر دقايق وبجيك بالمحلق
محمد: لعيال اهم شيء يجون موصي كل شخص بالعايلة يشووفه
سالم : أي ان شاء الله اكيد
محمد : يالله مع السلامة
سالم: في امان الله ..
....
سالم لخولة : ترا عمّي صالح بيجي يم بيت اخووي .. ويبي يشووفكم كلكم قبل يمشي للرياض
سمر : بلـــــــــــــــــمت عيونهآ ..
خولة : الله يذكره بالخييير من زمان ما جاء
سالم: اهم شيء تجهزوا ومرته وثنتين من البنات معه
خولة : أي طيب يالله يالله قوموا البسسسسوآ أي خلقة " لبس" بسسرعة
سمر : نعم نعم نعم !!!
لا والله مانيب طالعة من البيت مابعد كملت مذاكرة فصصل وعشرين الف مسالة مافهمتهآ
سالم: سلمي انقري راسه وعودي كملي
خولة : وش عااد طلب يشووفنا كلنآ وانتي تقعدي ماقلنا تقهوي شدي رحالتس للبيت
سمر : لا مانيب
شوي ..
مستحيييييييييييييل !!< وفي نفسها ياخذهم ملاعين احطوا هالاختبار الا اليوووم اوريهم تسلابة هالبنات
مايمديني .. انا بنام 12 ماب ياسهر اقووم اخرف
سالم : محد قالتس اسهري سلمي وراجعي قدامتس 6 ساعات يمديك تحفظي وتفهمي وترقدي
خولة : اندري عنهآآآآ
سمر : لا من قال 6 بروح 8 وبجي والقــاها بدت ومتى بتخلص 11 ونص مايبقا غير نص سااعة
خولة : وشهي اللي بدت !!!
سالم : ايي اييي قولي من اول
سمر : هااااااااااااه بدت الاخبار وابي اشووف وش صار بسيول باكستان
خولة : من متى مهتمة بالشعب الباكستاني وبعدين خلصوآ هم وش جاب الطاري
سمر : احبهم وش اسوي يقولون بيجيبون برنامج حل عنهم ومؤثر
خولة : اخبار ولابرنامج !!
سالم : يابنت الحلال مبااراة الهلال والنصصصر ع النهاااائي وماتبي تفوتهآ
خولة : لا ماشاء الله وانا اقووول وش عند البنت مشغولة
اختبارات مافي مبااراة
سمر : يممه لاعاد نصر وهلال ولانهائي يمممه
خولة : جعلهم < ماكلمتهآ
سمر : يممممممممممممممممه !
خولة : سكتت ..
سمر: خلاص برووح برووح
ويلبسن كلهن الا سمر تسكر عباتهآ والطرحة ع رساها شوشتهآ ماغسلتهآ ولا حتى مشطتهآ
ويروحن ينطقن هنآك من 7 .. وسمر قاعدة بالصالة .. معها دفترها وقلم الرصاص تحلحل
سمر : ياقلبي ياحبيبي انت ياعمري طلبتك لاتردني
دخلهآ بسسرعة
طبعا طويل العمر خالد كان بالغرفة ومسكر عليه الباب مع اللاب
خالد : !!!!!!!!!!!!!!! وشو ذاا
سمر : يالله عاد تستهبل علي ..
كذا وكذا وبعدين انزل هنآ وارفع فووق يصير كذا
واخيرااااااااااااا جيييت يالباه قلبتس كذا احبك
خالد : لاعااد زودتهآ البنت وش تخربط
أي تكلمـ بالصالة والحريم هنآآك !!
تسلبة وتتغزل بعد.
شوي ويردع بالباب .. بوووووووم !!!
سمر: اخترشت وادفتر حطه بوجههآ << تتغطى يعني
خالد : !!!!!! < في باله يعنني مخبية الجوال باذنهآ
خالد : عطيين جوالتس بسسرعة < ينفخ بعد
سمر : باعة لسانهآ اول مرة تكلمه من زمااااااااااااان ولا يبنفخ بعد
خالد : أي اكيد خايفة << بباله يقوله
سسمر عطيني الجوال بسرعة
سمر : تاشر ع المكتبة باصبعهآ بدون حكي < يعني هنآآك
خالد يرووح وياخذه يتمقل فيه مافي شيء
خالد : وجوالك الثاني اللي موزيته تحت الدفتر
سمر : لا لا احلف << طلع اللسان منذوو مبطي
خآلد : اقول لاتنفخي واعترفي
سمر : تاخذ طرحتهآ اللي منزلتهآ ع كتوفهآ وتغطي وجههآ وتلامي الدفتر بوجهه
خالد : أييييييييي << طالع ع رجوله هع
خالد : تقلب عشر طعش لووون
سمر : تقووم وتدخل الغرفة اللي قبالهآ وتسكر الباب باقوة ماعندهآ وتخلي الدفتر مرمي عليه
خالد : طاحت رجووله من الفشيلــة
ياخذ الدفتر ويفتحه يلاقي كله هذر مدااارس .. ويلاقي مسائل مكتوب عليها
: [ ياقلبي انتي احبك سهلللة ]..
ووحدة ثانية : [ اووف منك صعبة ي ربي متجي] ..
وكذا ..
شوي بيصيح ولا بيضحك < هلوس طبعا ..
خذ قلمها الرصاص وكتب بصفحة من الصفحآت :
سمر .. اسف اسف وربي مقصدت بسسس كنت اسمعك تحكي وفكرت شيء ثاني
اسف مو قصدي اجرحك شيء بسس مهتم
اتمنى تنسي اللي صار
ويحط القلم بوسط الصفحة هذي حتى تنتبه لهآ ..
ويطق ع الباب .. طق طق طق ويفتحه بشويش ويحط الدفتر بدون مايناظر ويسكره ..
سمر : تاخذ الدفتر وترميه الجدار من القهر
القلم طاااح وراحت الصفحـة اللي كتب فيهآ خالد ..
المهم نادوهآ يالله عمك جا ..
راحت بدفترهآ شوي الا خمة البزران والامهات صفين طاابور يسلمون وسمر اخر وحدة
ماسكة بهالدفتر تحلحل لحد مايوصل دورهآ
باقي قدامها وحدة .. امها تسحب الدفتر منهآ < البنت نست ههههه
وتسلم ومدري وش ..
وتاخذ الدفتر وتهج من الباب
وتذاكر كذا خلصت الحمدلله .. وتبدا المباراة ويطالعووون فيهآ هي وامل وسندس
شوي الا خولة تجي من ذاك البيت
ماشاء الله خلصتي حتى تقعدي
سمر: أي خلصت باقي بس مسالتين باراجعهم وخلاص
خولة: أي نشووف تجين بكرا معرفت ياويلك
ويناظرون
وبالدقيقة 35 هدف للنصر من السهلاوي < ركلة جززاء مشكووك فيهآ
وشوي يبدا الشوط الثاني
وخولة لسمر : يابنت قوومي ذاكري شيء ينفعك المباراة بكرا بيعيدونهآ ووووو
سمر : طيب باقي دقايق وتخلص << ام النصب
بالدقيقة 55 هدف من يااسر
وبالدقيقة 57 هدف ويلي
و87 هدف من نيفيز
ويفوز الهلال وياخذ الكاس
ومقابلات معا اللعيبة تستنى يااسر ..
يوم جا يسوون مقابلة معاه
الا خولة امها : سمممر قومي قوومي بسرعة
الله لايبارك في هالمباريات ووووو
سمر طيب طيب قمت
< ماتابعته
ومن النذالة سكرت التلفزيوون تقووول تناظرون في ياسر وانا لا .. لا لا
<هع
..
مرة بالفصل بايام المراجعــة ..
سمر تكتب شرح معلمة الرياضياات والاشياء المهمة
وخويتها اللي بجنبهآ موصيتهآ تكتب كل شيء مهمـ وهي بتطلع للمرشدة
جت الحصىة 4 ..
كانوآ فاضين .. سمر طلعت مع شلة تسوولف ..
وخويتهآ خذت دفترها الرياضيات تدور الشرح
خويتهآ : سمر ويين كاتبته
سمر: تلاقيه باخر الصفحآآت
خويتهآ : لحووول وتحوس وتدوس
وتفتح ع صفحة خالد وتبلم معهآ
سمر : مفهية وتسوولف
خويتهآ تروح بجنب سمر وتمسك اذوونهآ وتجيبهآ لهآ
خويتهآ : اوخص اوخص وش هالحركآت والتطور
سمر : وش فيك ساحبتني من هنآك وتطور
خويتهآ : لاعاد تتميلحي .. متدري وشو
سمر: وشو هيييييييه ترا مافهمت وش تخربطين
خويتهآ : خذي اقري ذي ..
سمر : بلمــت 5 دقايق مفهــية
خويتهآ: سمر سمر تخبط فيهآ مافي فايدة الاحساس انفصل
سمر : انفجرت ضحك < اول مرة تضحك كذا
وطلعت برا الفصل مقدرت
لحقتهآ خويتهآ الا تتبي وش السالفة
وقالت لهآ وكذا واستانست الخوية < مدري وش عليه
وبعدين ..~
تقرب الامتحانات النهائية..
وياكثر مايطفي النووور عندهم
سمر تطلع فوووق بالسطح تذاكر هواء ومزرعة
عندهآ عآدة
يوم تخلص من مذاكرة شيء في اوراق ماتحتاجهآ تقطع وترمي من اعلى السسسطح
ومرة دفتر رمته من فووق وصار ع راس العامل
صار يسب اللي فوق اش في مافي شووف ويمسح براسه <
ومرة سيارة خالد تمشي طالع بهآ ..
وهي خلصت اختبار فيزياء وصار الكتاب معها جايبته
رمته الا ع كبووت خالد
سحب فرامل الولد خااف تقل جثة عليه من كبر الكتاب
ياخذه ويدخل يشووف يلاقي خرابيط سمر وقلووب وسب وشتم بالمعلمة
المهم يرمي الكتاب هو من فوق
طراااااااااخ ع راااس سمر
اييييي يحبني يعني غصب تجي معي مابيك ؛< تكلم الكتاب
الولد توه راكب السيارة مابعد دخل راسه
سمر : هووبا رمت الكتاب باقوى معندهآ مع انها متدري منو اللي رماه وين مكانه ..
طراااخ ع جبهته وبسبته امشخت ونزفت دم
يلعن بليسس < استغفر الله
وشو ذاك اححك ويمسح فيه
يروح لمشواره ويرجع
الام حصة: خااالد !! وش في جبهتك صادم شيء توك رايح مافي شيء
خالد : هههههههههه لا لا .. هذي دبجة كتاااب
حصة: بلمت وشو يخربط

خالد : احد رمى علي كتاب من فووق سطح عمي وع جبهتي
حصة: من السطح !!!من يقرا هنآآك
اهاااااااااااااااااا صح صح نسيت
خولة تقوول ان تهاني وامل بالسوروسمر فووق
ههههههههههههههههههههههه فطست ضحك
...
المهم خلصوآ اختبارات وقلق..
طلعت سمر اخر يوم الاربعاء مستااااااانسة واخيرا خلصت اختبارات وقرف واخيرا <من قدهآ
ع طووووول ع اللاب تفتح وتشيك
امهآ خولة : ماشاءالله ما امدى
سمر: وش اسوي مقدرت اصبرولا انووم
خولة : طيب وش سويتي اليوم ؟
سمر: معليه حلو ان شاء الله
خولة: طيب مرة عمتس حصة بيجيهم حريم وتبي حلا وسلطة
وتبيكم تروحوا تساعدونهآ
سمر : طيب
ويروحوا يصلحوآ الحلا والسلطة ..
ياذن العصصر ..
وتروح سمر بقميصهآ لهم تسااعدهم
سمر للمطبخ : السلام عليكم
يردوآ : وعليكم السلام هلا والله شخبارتس ها بششري ناجحة
سمر : هههههههه اكيد بس مدري <
حصة: الله يوفقتس ي رب
يالله يالله افسخي عباتس مافي حد
وامشي لفي معي
سمر :طيب طب
وياذن المغرب وتروح سمر للبيت تلبسس < متااخرة
الكل لابس والحريم جووو
سمر رجعت لبيت عمهآ مرة ثانية بعد ما تشيكت
تروح يم باب الرئيسي مسرعة < متبي يفوتها الحلا
طرآآآآآآآآآخ ايييي اييي
السالفة ومافيهآ صقعت في دراجة "سيكل" ديمآ
خالد بالمجلس يتقهوآ : طلع من هول الصوت
سمر : شالت عباتهآ ورآحت
خآلد : هههههههههه متشووفين
سمر : ييييع ع ه الوجه المقرف < بصوت واطي
..

وتجي الساعة 12 وكلن يروح بيته من هالحريم
وخولة تقول لبناتها: يالله نرووح للبيت خلااص
شيماء : لاخلييهم شوي عطلة
سندس: أي يمه شوي
خولة: بكيفكم بسسس خذو المفتاح معكم لاني بناام
ولاتزعجوهم
البنات : ان شاء الله
..
ويلعبوآ ورق ..
طفششوآ من القعدة
سندس : اييييييييي لقيتهآ
البنات: وشي !!
سندس : خلونآ نروع العيال دامهم بالمجلس فالينهآ
امل: أي يالله يالله<< تعشق المقالب
تلبس أمل عباتهآ وتدق اللثمـة ..
وسندس وشيماء ورا جدار صغير قددام باب مجلس العيال
وسمر من الباب الثاني ومجلس عمها مفتوح حتى تتخبى فيه
اول شيء سندس وشيماء رموآ حصاة ع الباب الخلفي يم المزرعة
مافي تجاوب ومحد عطاهم وجه
امل :ترمي حصاة كبر الباب < بمممممممم < تقل قنبلة
الشباب انفزعوآ : واحد منهم فتح الباب بشويش
يشوف شيء اسود يهرب للمزرعة
عبيد: جني جني جننننني أســـــــــود
خالد وولد عمتهم يوسف : خايفين وبنفس الوقت يضحكووون
مشششآري : ههههههههههههههههه جني اسود اخبره ابيض
عبيد : طرآآآآآآآآخ < سكر الباب < وجلس بالارض يناظرمن تحت الباب
والبقية رجعوآ يتابعون التلفزيون
تجي سندس معهآ رششاش موية ترش من تحت الباب ع عيووون عبيد
عبيد : وععععععععععععععع الجني تفل علي < خياله وآسع
باقي الشلة : ههههههههههههههههههههه أحسن
شوي سمر تجيهم مع الباب الثاني معهآ بالونات
طرخ طرخ طرخ < فقعتهم كلهمـ وقبل ترووح حطت صمغ فيرآن ع زلفة الباب << صبغته به
العيال تجمدوآ !! ياصدق يا مقلب
يانهجد ونسكت يانطلع ونشوف
<< يفكرون طبعا ..
البنات دخلوا البيت بسسرعة
اللي عند التلفزيون واللي بالمطبخ < بيت عمهم
قال عبيد :طالع طالع بشووف وشو قال مشاري أي بطلع معك
وخالد ويوسف < وانّا معكم
فتحوآ الباب .. 1 .. 2 .. 3 .. ونطّو واحد ورا الثاني ع الزلفة مسرعين يبون يدخلون البيت
الا عبيد يوسف رجل وحدة لصقت منهم وخالد كل رجووله ومشاري طلع نفسه بالقوه
مشاري : ينعن بليس العدو وش ذا وععععععععععععع
خالد : اعععععععع < يشيل رجله من الزلفة < مافي امل
عبيد: هههههههههههههههههههههه وش ذا << داج واهبل
يوسف : سخاافة بلعن والديه اللي سوا هالسوات < اععععععع < يفك رجله مو راضية
رآح مشاري لامه يمه يمه عبيد خالد ويوسف لصقت رجليهم بالصمغ وش نسوي
المهم جاب فليت وقام يبخ ع رجليهم لحد ما انفكت << 6 بخاخ فليت !
بعد ساعتين من الحدث
توصل لعبيد مسج من سمر
[ حظ اوفر .. فقد فزنآ عليكم
كلووهآآآ وخيرها بغيرهآ
..
عبيد : يا ام العبيييييييييييييد
الباقي : وشو منهي !!؛؛؛تغازل
عبيد: سمر والبنات هم اللي سووآ
ويجيهم لعنات وشطحآت
ويطلع يوووسف معه حصاة يبي يفلقهآ< معصب
ماطلعت سكروآ الباب
يوم هدى الوضع تطلع سمر وخواتها للبيت بسسرعة
بالرغم ان جاهم قذف بالحصا من يوسف ومشاري بس الحمدلله سليمين هع
..
بيوم من الأيآم .. وفي ساعة متاخره من الليل ..
يرن جوال سمر ..
شيماء : الوووووو
سمر: نعم وش تبين تدقي بهالوقت
شيماء :ابي اسهر معكم
سمر : يوووووه الحين عاد بننام لان بكرا بنساافر
شيماء : ماشاء الله وين !! ورا ماقلتوآ
سمر : ابد والله تو عمتي داقة تقول خاوونآ للشرقية
وشاورت ابوي وامي وقالوا يالله
شيماء: والله!
ماشاء الله عليكم توصلون بالسلامةأجل ..
سمر: غريب مابتسافرون الاجازة
شيماء:مآدري احتمال اذا ابوي وافق بنرووح لمكة
سمر: يالله أجل اسمحيلي بناام وبلغيني بكل شيء وانا بعد
شيماء: أي طيب ان شاء الله سلام
وتنام سمر وخوآتهآ
ويصحون الفجر
ويجهزوون اغراضهم
اهم شيء لبسس السباحـة
خولة : سمممممممممممر خلصتي اغرااضك !!
سمر : أي يممه باقي البس عباتي
خولة: أهم شيء خذي الكاميرا ..
سمر: اميلان خذتهآ
خولة: أي ولابتوبك لاتزعجينآ ويقولون هنآك النت مفتووح^_^
سمر: الله يذكرك بالشهادة يمه وهاك بووسة ع راسك اموااح
خولة: الله لايحرمني منك يابنيتي
سمر: سندسسسسسسسسس جيبي شنطة اللاب
سندس: وانا فاضية لك بس يالله عشانك هلالية بسس
سمر: يامحلا الهلال بس ينفع هع
..
ويمشون الساعة 7
ويماشون عمتهمـ
وقف سعود يعبي بانزين
ووقف وراه سالم ..
نزلوا للبقالة يشروون أكل
وسمر تسوي منكب بهم
تنزل مكان تهاني بالسيارة < يتبدلون
يعني تهاني بسيارة بسالم
وسمر بسيارة سعوود
نفس الاجسامـ
وساكتييين والباقي عارفين الا الرجال
..
سالم : خذوا للي تبوون من العصيرات وعطوني اللي مايبقى
وخذوو اللي عجبهم
واعطوآ ابوهم اللي بقى
سالم: يشتغل بالجوال
خولة: خل الجوال عنك وانتبه للطريق يخووف
سالم :سممر خذي الجوال سجلي اخر رقم باسم ابو محمد
تهاني : ساكتة خذت الرقم .. وسندس تقول طيب ان شاء الله
ومشت هالمرة ..
وهنآك بالسيارة الثانية ..
كانت تهاني ورا سعوود ابوهآ بالمقعد .. وهالمرة صارت سمر وراه ..
سعود : تهاني خذي شماغي من راسي وصفطيه اقلقني
سمر: تقلب وجههآ واستحت <<
سوت نفسها نايمة
نورة : يبه تهاني نايمة خلاص بشيلهآ انا
سعود: الحين توني شايفهآ تزين برقعهآ
<< كفشها
نورة : هاه أي سرقهآ النوم
سعود: طيب مب مشكلة يالله شيليه انتي
ومشت برضو هنآ ..
بعد صلاة الظهر خذوا لهم غدا
ووقفوآ بالبران
نزلت سمر يم سعوود ...
سعود : تهاني تعالي خذي الغداء مني < اللي هي سمر
سمر: ساكتة وراحت اخذه
قال سعود شيلي الغطاة مافي احد
تو بيشيلهآ
نورة: يببببببببببببه تعال
سعود انتبه لنورة وسمر هربت
< فاطسة ضحك
المهم هنآك
تو يوقف السيارة سالم .. وتنزل تهاني
قال سالم: وراك صغيرة هالمرة
هههههههههه
تهاني: مدري << تغير الصوت
سالم: !!!!!!
انفجروآ ضحك البنات
وعرفوآ الحقيقة
وتفششششل سعوود من اللي قاله واللي بغا يسويه
المهم وصلوا للشرقية
وسكنوآ بشاليه يم البحر
مرة ناايس

وكانت ايامهم شيء
بوقت العشااء.. طلعوآ البنآت ع البحر ونزلوآ للبحر وقاموا يرششون الماي على بعض
وجا وقت العشاء
كان يوم متعب ناموآ
ويم ا الصباح ..
الساعة 7 ونص طلعوآ ع البحر يفطروون
ياي الجو مرة يونس ...
والعصرية يطلعوآ لمنتزه قريب ..
ويرجعوآ بوقت العششاء اكو مباراة الهلال مع الاتي
مثيرة وتحمس كل البنات عند التفزيون
والامهآت يشوون برا عند البحر دجاجات ..والريحة يم يم
طبعا البنات منقسمين لـ 3 احزآب
بنات سالم وتهاني وخواتا الصغار هلاليات < الحزب الاول
.. وسارة نصراوية بحت هذي الحزب 2
ونورة لاهلال ولانصر ولاهي يم الكورة الحزب 3 بس جلسة وياهم
المهمـ متحمسسين .. ونورة بالوسط بيننآ بس تونس عمرهآ
شوي يجيهآ ضرب من سندس واختها تهاني < نورة تصرخ عليهمـ
المهم يجي هدف للاتي بالدقيقة 88
وسارة تنقز وتصفق وااااو امها تجيهآ< طرررراخ اسكتي فضحتينآ محنآ بالبيت
والحزب 1 يطالع فيهآ و هو يدخخن
خلال الحين 90 مافي امل
تهاني : مافي امل خلااص سخيفين
سندس: اسكتي بسس جايبينه جايبينه
تهاني: ياليت
نورة وسارة: اتحدااااكم وان جبتوه بس التعادل لاقونآ بالبحر
الحزب 1 : طيب صار
شوي يلفوا ع التلفزيون الا قوووووووووووووووووووووووووووووووووووووووول
الشلهوب يحرز هدف التعادل ياااااااااااااااااااااه
البنات يصرخووووووووووووون
الامهات دخلوآ وجع هششششششش اسكتوآ
ولاعندهم
شوي الا الهدف الثاني جابه الكاسر
وتقووم سمر وتشيييل امل وتركض بهآ للبحر
هوبااااااااااااااااا
امل : ماتعورت كثر ماهي نقز بالبحر هدف هدف
والناس تطالع بهآ< انهبلت
ونورة تنسحب الا سمر: نووير وش رايك ههههههههه وتسحب فيهآ
للبحر وتهاني وسندنس يسحبون بسارة
ويرمونهم بالبحر ووينقزون معهم وينطوآ بالبحر
هوبااا
المهم يتهي اليووم ويتعشووآ
وهيك يمضوون اسبووع بالشرقية
كان يونس ..
شيماء : ترن ترن < ع سمر
سمر: الووو هلا شيماء
شيماء: وينكم وش هلازعااج
سمر: احنا ع البحر
شيماء: اها ماشاء الله أي وش مسوين بعد
سمر : ابد والله مابه الا وناسة وسباحة ليل ونهار
شيماء: أي بغيت اقول انا طالعين لمكة
سمر: والله ! ماشاء الله زين
يالله توصلوا بالسلامة
شيماء : ان شاء الله
باي
..
المهمـ خلص اسبوع كامل وهم بالشرقية
لس ماملوآ قرروآ يطلعوآ لابهآ
وبرض و اسبووع
بس الاجواء اذهلتهم وجلسوا اسبوعين ونص
وكل يوم بمكان
وقرود
في موقف صار لسمر .. كان قوي قوي وبكوآ عليهآ
كانوآ يصعدون لجبل كذا وتحت مكااان مرة يخووووف
المهمـ نورة قالت بروح انادي امي وامك يشوفوا هالمنظر خليك
< مافي شبكة
وراحت
نورة جت باالامهات
شوي الا سمر مو هنآ
سمر سمر سممممممممر وينك
سمممر شفتك متخبية << تكذب بس تبي تطلع
سمر
وسمر سااكتة
نورة خطر ببالها انهآ طاحت ولا شيء
سممر جزمة رجلهآ اليمنى مرميـة
نورة زاد خوفهآ ..
ي ربي
خولة: نوووورة !! وين بنتي مو تقولي معك وينهآ
نورة: أي والله العظيم كانت هنآ
وتحاول تناظر لتحت تشوف اثر لهآ
بس متقدر تدووخ
خولة: ي ربي والله لو هي طاحت تحت مسامحك دين ولا دنيآ
نورة: متحملت وقامت تبكي كلام خولة خوفهآ اكثر
كككلمت خولة سالم وقالت له ..
سالم وسعود جو ركض
سعوود اخذ العائلتين ووداهم للبيت
وسالم راح يم اقرب مركز يخبرهم باللي صار
اذن العشااء وهم صياح ونياح وخايفين بالحيل ويدعوون
وسعود طلع لسالم يدورون
لحد 9 ..
المهم خلاص تعبوآ بجد وفقدوآ الامل
شوي الا واحد من الشباااب جاي ركض لابوهآ سالم وسعود
حصلت البنت حصلتهآ بسس !!
استانسوآ شوي
وين .. وبس وشو ؟؟
الشاب علي: تعالوا هنآ
وراحوآ ركض
..
حصلوهآ طايحة خشبة فووقهآ المظلة ..
وكان وجههآ كله تعب ..
بس الاخت في الله كانت نايمة تحت مظلة ..
من التعب ومن الانتظار نامت ع الخشبة
لانها كانت متخبية من الاساس
المهم هم ماعرفوا نها قاصدة ..
بس صحت ..
سالوهآ : قالت هاه مدري وشلون جيت هنآ
فكروهآ مختطفة ! بس انكرت
المهمـ الصباح قالت نورة الحقيقة لاهلهآ بعد ماخبرتهآ سمر
وطاحو صياح عليهآ
وحرموهآ من الطلعة وخلوهآ بالبيت لحالها مع نوره عقاب لهم
بسس استانسوآ
وابدعوآ وفلوهآ
..
خلص الاسبوعين وردوآ للريآض ..
وسالم رد لمحافظتهم ..
وبين هالمدة ..
جاء ولد اسمه مهند يم بيت سعوود ..
يخطب الانسة نورة
كان مرة مرتب وحلو وشغله تمام ..
قالت نورة بفكر ..!
وخذت لها اسبوع وكذا وتمت الموافقة ..
وقالت لسمر.. سمر بغت تطير من الفرحة وباركت لهآ
المهمـ يوم الملكة حددوهآ بعد شهر من الخطبة
بشعبان كانت 15/8
ونادوآ سالم وعياله و ابو خالد وعياله
وبهاليووم
سممر وخواتهآ جابوا معاهم هداايا للعروس نورة
وبرضو الامهات
..
ورقصوا البنات وكانت احلى ليلة عند نورة
وتحدد الزوآج بعد العيد بـ 9/10
والكل يتجهز بفساتين وشياكة ..
خلال هالفترة ..
قرب رمضان ..
كان رمضان غير ..
عيال سالم وابو خالد يصلون بالمسجد
والعمة بـ20/9 جت يمهم بالمحافظة
وكل يوم الفطور عند عائلة ..
مرة كآن عند ابو خآالد ..
والفطور كان بالمرزعة .
وهيك ..
..
بيوم من الأيام يوم كان الفطور ببيت سالم ..
سمر قررت تفطر مع نورة والبنات لوحدهم
والطباخ لوحدهم ..
بس نورة ماخبروهآ < مفااجئة بمناسبة العرس
وسمر تسوي حلا والشربة
وسندس : الفيمتو والتانج
و تهاني تسوي الفطاير
ورتبوا بينهم
وطلعوا بالمزرعة
ورتبوآ السفرة ونادوا ع نورة ..
نورة: وااااااااااو يالبا انتم بسس مشكورين يالغالين احلى مفاجئة
سمر : تستاهلي يالغالية
وأفطروآ .. ووطلعوا للبيت..
وجاء 29/9 وهذا قرقيعان حقهم
بس هالمرة يبغوونه غير ..
صاروا الاطفال يطلعون لبيوت النااس ..
وبوقت المغرب سمر وسندس و أمل ونورة و تهاني و سارة وشيماء
يلبسسوآ لبس القديمين
ويطلعون لبيووت القريبة يعايدون
مرة نااايس الوضع
..
الصباح كان ليلة العيد ..
ويلبسوا البنات والامهات ويطلعوآ لبيت سالم كان العيد عندهم ..
وصارت مواقف شيء ..
بعد ماتعيدوآ ..
الكل تفرق وراح لاهله ..
العصرية وصل مسج لسمر من جوال نورة :
[ سمممر قلبي نورة طايحة بالمستشفى وحالتها صعبة .. توتي ..
سمر: نعمممم
وتدق ع الجوال .. بس مقفل
سمر : ياربييي
خولة: وش فيك !!
سمر : هااه مدري وش اقول بس نورة بالمستشفى وادق مقفل
خولة : افا .. بكلم امهآ
خولة : السلام هلا ام عبدالرحمن
ام عبدالرحمن : وعليكم السلام هلا بك
خولة : افا وش سمعنآ وش فيها نورة عسا خير
ام عبدالرحمن : يخيتي مدري وش اقولك بسس مهند صار عليه حادث اليوم وحالته خطيرة
وهي بس سمعت طاحت علينآ
خولة : له له ياربي الله يقومهم بالسلامة طيب وش صار عليه
ام عبدالرحمن " ماندري والله ادق على امه ماترد
خوله : يالله اجل اخليك وشوفي وش الحال وطمنينآ
ام عبدالرحمن : ان شاء الله متقصرين في امان الله
....
سمر: بعد ماعرفت بالسالفة ..
يممه لازم اروح لهآ ..
خولة: ابوك تلاقيه نايم من يوديك
سمر: بقول لخاالي حمد ..
خولة : طيب متقصرين يابنيتي
سمر : خاللي حمد رد رد تكفى
حمد : الووو نعم
سمر: وينك مشغول ..
حمد : وش فيك صوتك كذا امري
سمر : نورة بنت عمتي طايحة بالمستشفى ممكن توديني لهآ
حمد : طيب اللي تبينه بيصير بسس لاتقلقين نفسك تراك غالية
سمر : الله يخليك لي ولايحرمني منك
حمد : يالله البسي عباتك واطلعي
سمر: يالله جييت ..
..
وطلع لهآ بالمستشفى ..

سمر :: نوووووووورة !
نورة : بسس تبكي ..
سمر : مقدرت بس مسكت نفسهآ وتحاول تصبرهآ وتقول الحمدلله انه حي يخيتي
..
المهم جا وقت المغرب وسمر باقي عند نورة ..
ام عبدالرحمن : الووو هلا ام مهند
ام مهند : هلا والله فيكي سامحيني يوخيتي كنت مشغوولة ماني يم الجوال
ام عبدالرحمن : معذورة يخيتي بس طمنيني
ام مهند : اطمنك وش عليه ؟!!
ام عبدالرحمن .. هووو !! ع ولدك
ام مهند : ههههههه يحليلكم شكلكم مستعجلين نفس الموعد مغيره
ام عبدالرحمن : الله مير يسعدك موب قصدي ع العرس .. الحين ولدك طلع من المستشفى !!
ام مهند : الله يحفظ لي وليدي وش يدخله هذا هو قدامي !
ام عبدالرحمن : سااكتة!!
ام مهند : الوووو وينك وش صااير
ام عبدالرحمن : بنيتي نورة دق عليهآ اخوهآ يقووول ان واحد قاله مهند صار عليه حادث والحين بالمستشفى وحالته حرجة
ام مهند : تفرك عيونهآ . .. : مهنند حبيبي انت انس ولا جن <<
مهند : ههههههههههههه لا يمه انا مخلووق فضائي
وش فيك ..
ام مهند : خالتك ام نورة تقوول ان صاير عليك حدث وحالتك حرجة وبنتها نورة طايحة بالمستشفى
مهند : نوورررررررة !!
ام مهند : هاه ايه نورة بس وش اللي تقوله خالتك !!
مهند : اهاااااااا يقلبي عليهآ .. لا يمه هذا مهند ولد الجيران اللي ساكنين اول جنبنآ ..
ام مهند : لا عاد يعمري وحيد امه وش صار عليه
مهند : لاطيب ان شاء الله كسوور بس
ام مهند : اها الله يشفيه
ام مهند : ام نورة هذا مهند ولد الجيران مووو ولدي .. والله لايبارك في اللي قال الخبر وما تاكد
ام عبدالرحمن [ ام نورة] : يااااااااااااااااااااااااه الحمدلله ي رب يعميري ع بنيتي
ام مهند : بلغيها سلامي وقولي يالله قومي وشدي حيلك وبلا دلع .. << مهند : وانا بعد سلميني عليها
ام مهند : طرااخ بالمخدة اسكت
ام عبدالرحمن يوصل ان شاء الله والله يديم افراحكم ويشافي الولد
ام مهند : امين ياارب ..
مهند : راح لغرفته ع طول وكلم على جوالهآ مقفل ..
كلم ع خالته وردت .. مهند : خالة الله يخليك اول ماتوصلين لها خليني اكلمهآ انا بس بدون ماتقولين لهآ
ام عبدالرحمن : ابشر يالغالي صار ..
ويوم وصلت .. عطته رنة ..
مهند دق ...
ام عبدالرحمن تشغل سبيكر وتقرب يم نورة ..
مهند : هلا بالغالية هلا باغلى شخص بحياتي
نورة : !!!!!!!!!!!!!
مهند هذا مهند ..
مهند : أي يقلبي انا مهند .. وكل اللي صار خربطة وانا الحمدلله بخير
نورة تنقز وتاخذ الجوال وتسكر السبيكر ..
نورة : متاكد !!!
مهند : افا اذكب عليك
نورة : ابي اتاكد طيب ارسل لي صورة لك حاليا
مهند : ابششري .. بس افتحي جهازك
نورة : طيب طيب < ميتة من الفرح
مهند :يالله باي بصور ..
ويرسل صورته ..
نورة : يااااااااي الحمدلله الحمدلله الحمدلله يارب
سمر : شفتي يالغالية الدنيا باقية بخير ..
ام نورة : تقرب من بنيتهآ نورة وتضمهاا حيل لصدرها وتقول : الله يسعدك ويبعد كل امر يحزنك
نورة : ولايحرمني منك يا احلى ام
وتطلع من المستشفى على الساعة 9 ..
وتروح سمر معاها ..
سمر : الو مامممي احلى خبر وتقول لها السالفة من اول للاخير
خولة : الله يطمنك يالغالية ..
سمر : مامي ممكن طلب ..
خولة امري يالغالية
سمر: بناام معاها اليوم
خولة : صار ..
سمر : امواااااااااح ع راسك يا احلى ام
باي مامي..
خولة : انتبهي لروحك وسلام ..
...
ويسهروا مع بعض .. ويضحكوا ع اللي صار ومهند كل ربع ساعة يرسل او يدق ..
...
ويقرب الزوآآج ويقرب يوم العمر ..
باقي عليه يومين
ويستعد الكل .. و ام نورة كل شوي تبكي ..
نورة : يممه لاتبكي ترا تبكيني والله مابرووح عنك وكل شوي بجيك
ام نورة : يقلبي بسس البيت بدونك مدري و بيصير
نورة : لا يالغلا خواتي مابيقصرووون
..
واليوووم يروم العمر .. وتلبس فستانهآ الابيض .. ويصلحوى بشعرهآ وسمر كانت عندهآ
..
سمر لابسة فستان رمآآدي على اسود وتسوي تريحة بسيطة ..
ويطلعوا للقصر
شوي يزفووونهآ بس لوحدهآ عاد < حسب العادت
وكان يووم مرة مرة يجنن . بس كدر عليهم حاجة مش حلوة
بعد مازفوهآ وجلست ع الكرسي والكل يسلم عليهآ ..
كت سمر بجنبهآ واقفة ..
وكانوا يرقصون خوتهآ وخوات سمر وشيماء
شوي سمر : تنااظر لبعيد وتطلع تبكي لغرفة اخر القصصر
نورة : لاحظت عليهآ ارسلت تهاني تشوف وش صاير
تهاني : سممر ليه تبكين !!
سمر: شفتهآ شفتهآ
تهااني : مييييييين !
سمر : البنت اللي قالت تحلمييييييين به اللي شوهت سمعتي قدام المعلمات بالفصل
تهاني ": ميين هذي وش اسمهآ وليه جت
سمر : تحدتني تجي وتسوي مهتمة بامه
تهاني: بالطقاق لاتهتمي وخل يعني وش بتسوي كلن يحلم بسمر
سمر: اهههههههه من جوات قلبهآ وتسمح دمووهآ وتطلع لمكانهآ
سمر : تهاني تهاني شووفي كيف نظراتهآ
تهاني : لاتعطينآ أي اهتمآم
سمر : طيب
تهاني : رحت يمهآ اهلين ستي مو كانك غريبة يعني كيف دخلتي !!
سعاد : اهلا بك وش تقربين للاخت سمر
تهاني : مقرب لهآ ليه !!
سعاد : والله ! أجل بقولك كيف جيت انا تحديتهآ وخل تمووت ودخلت باذن من ام الغالي
تهاني : لاعااد مير شاطرة
سعاد: اكيد وبتشووفي كيف اخذه ليه
تهاني : هههههههههههههههه تتهني فيه يخيتي وترا ع فكرة انا بنت عمتهآ وترا ماهي يمه وتقول بلغيهآ سلامي وقوولي اكليه وشبعي فيه
سعاد : تفااجئت بس سوت نفسها تضحك
تهاني : سي يوو ياحلو
وتروح لسمر وتقولهآ
سمر : صارت تضحك وتناظر فيهآ
المهمـ .. تنتهي السالفة ع كذا وسمر تنسى السالفة وهيك..
وتطلع نورة لزوجهآ ويكملوا المعازيم ..
وينتهوآ على 4 الفجر ويطلعوا للبيت
والكل متاثر وفرحان بنفس الوقت ..... وهيك تعودوا ع نورة وفراقهآ
..
سمر : تبدا دراستهآ بجامعة الملك سعوود قانوون .. بسس السنة الاولى بقت بالبيييت وبالاختبار تروح ..
حتى تتاقلم ..
في حاجة غريبة صارت بوقت الدراسة ..
خآلد : راح لامه وقاال .. يمه : انا لسافر لامريكا اكمل
امه : نعم ! من وين طلعت لي بهالسالفة
وصار يلح ع امه اسبووع
ووافقت وهي مو مقنعة وكمان ابووه
وسااافر
وعبيد أخوه كمل دراسته بجامعة الامام قسسم انقليزي
وهيك الدنيا وخلص الترم الاول ..
وجت نورة مع اهلهآ لسمر واهلهآ وكانت حامل بالشهر الثاني < يالبااه
ونكمل وش صار مواقف بالمرحلة الجاية

صآرت فيه طلعة لاسترآحـة بمزرعة كبيرة .. بين نخل والعاب وشجججر وهيك ..
وكان الحريم بجهة والعيال بجهة ثانية ..
وخولة والبنات وام خالد وام نورة موجودين مع اهاليهم وعمانهم والجيران ..
العيال يلعبون كورة بالجهة الثانية ..
جا يمهم وآحد اسمه عبدالكريم خوي عبدالرحمن بس اكبر منّه ششوي ..وصف السيارة بالمواقف ونزل للشباب
في حين أنوه تهآني كآنت تدور على ولد خال سممر ياسر كان ابو 3 سنوآت وامه تدور عليه فانتششروآ البنتا يدورن عليه اللي دخل بدآخل الاستراحة واللي برا بالمزرعة واللي بمكان الالعاب و شيماء تدق ع عبيد تسال هو عندهم و تهآني طلعت يم مواقف السيارات قريب منهآ تدوور لفت يمين شمال تحت السيارات فووق مافي أحد رجعت تمششي لهم وهي بدون عباة .. في حين ان عبدالكريم تو ه بيجلس الا يتحسس جوآاله ما هو معاه قال يمكن أنه بالسيارة طلع يدور عليه وفتح باب السيارة ونزل راسسه يدور مكان الرجول منآ منآك لعله يحصله وتهاني سمعت صووت ورجعت تدور مرة ثانية الا تشووف باب السيارة مفتووح عرفت انه ياسر دخل وفتحهآ طلعت ورا السيارة وقربت يم الباب الا تنط قدآم هي مسكتك والمشكلة عيونهآ للسماء << شووي الرجال عرف وقعد تحت مآقام مستحي ومبتلش
البنت تناظر < شعر جسمهآ وقف عيونهآ بلمت تبي تصيح ماقدرت تبي تصرخ
رجولهآ مو راضية تتحرك < وهي بااقي ماتعرف مين هالرجال
الا يقوول يابنت ابعدي عني ابي اطلع عييب << هي معرفت تشيل نفسهآ الرجال لف يسكر الباب و راسه لتحت ميناظر
يوم شاافته !!
شهقققققققت !! رجعت عيونه لعيونهآ ونزلهآ بسرعة وراح ركض للشباب
الا خآلد جايب الشااي والكاسات :: طرآآآآآآآآآآآآخ بعلدالكريم بسس ربه ستر منكب عليه !!
وقعد يفككر طول الوقت
اما البنت للحين واقفة .. الا سمممر تنادي ع تهاني خلاص لقينآه
سمر : شكلهآ شاايفة صورة او شيء بالسيارة وبلمت
سمر : تهاااني .. تهااااااااااني هيه انتي < وتضرب فيهآ
تهاني : ضمتتتت سمر وبكت وتضحك << خبلة
سمر : وش فيييييييييييييك ّّ ياسر بخير
سمر : امشي لاحد يجي من العيال
وودي تهاني بعييد وتفهم السالفة منهآ
تهاني : تخيلي قاعدة ادور ياسر شوي شفت السيارة مفتووحة رحت ومسكته ع اساس انه ياسر بدون مناظر صار
سمر : من صار؟
تهاني": هذااااااااااااااك
سمر: اووومآ ياااااااااااااااااااي << ولا أحلى صدفة
تهاني: بسسس
سمر: لا بس ولا شيء خلاص انسسسي وووووو < كلام خاص
المهم طلعوآ للحريم ..
وبعد اسبووع بالضبط .. دقت ام عبدالكريم !
هلا ام نورة : هلا بك
ام عبدالكريم : كيفك وش مسوية وكيف نورة
ام نورة: بخير الله يسلمك من كل شر
ام عبدلكريم : يخيتي والله ادري فششلة بسسس عبدالكريم مجنني
ام نورة : عسا مااشر
ام عبدالكريم : والله فشلة بسس لاتزعلين على البنية وتهاوشيهآ مب قصدهآ
ام نورة : أي بنية احكي
ام عبدالكريم .. والله يخيتي ولد شاااف وحدة لابسة تيور جنز وبلوزآ حمراء وشعرهآ طويل
ام نورة قاطعتهآ : نعممممم ! وش دخل عبدالكريم ّّ
ام عبدالكريم : ولدي عبدالكريم يووم شافهآ دخلت مزآجه او بقت بباله واليووم جاني يسالني وانا مدري وقال دقي واسالي ؟؟
ام نورة: مافهمت وش السالفة يخيتي
ام عبدالكريم : عبدالكريم يقوول من البنية اللي شفتهآ؟!
ام نورة : هااااااااه وش يبي !! هذي تهآني
ام عبدالكريم : لاعاااد !! يحليلهآ .. لابسسس يخيتي بس بسسال لاجله هو ازعجني
ام نورة : طيب وبسسس هالشيء يعني>
ام عبدالكريم : أي بس
وسكروآ
..
تهاني تسسسمع من برآ ودخلت دآخل تفكر وش تبي دااقة امه
ام نورة : تهاااااااااااااااااااااااني !!!!!
تهاني:ياااربي الله يستر
طيب يطب جيت
ام نورة : تعآلي وش مسوية انتي ماتستحين علىوجهك تراك كبرتي عيب
تهاني: والله ماقصدت
ام نورة : لاماقصدتي اقوول عن الخرطي بسسس احد يسوي سواته ومايقصد
تهاني : خاايفة !! يممه اسفة ورب يمعيدهآ
ام نورة : يعني كل يوم ع هالحال
تهاني: لا والله العظيم اول مرة صارت يوم بالليل بسس
ام نورة : لااتقولي اول << وبلمت الام
وشو ليله
من متى تمسحييين المكتبة بالليل !!
تهاني" مكتبة أي مكتبة
ام نورة: اجل وش تقصصدي انتي
تهاني : هاه ولا شيء ولا شيء طيب طيب اخر مرة
ام نورة : اهاااااا فهمت ترا عرفت السالفة واخر مرة بعد << وتضحك الام
تهاني: بلمت وراحت للغرفة

وهنآك ... بالمحافظة ..
كآن سالم مرة بالشغـــل وجا يمه رجال كبيير بالشخصية المهم طلب يقابله بالبيت وحدد اليوم الثاني المغرب يجي
العصصر باليوم الثاني كانت خولة تجهز فناجين وبيالات كشخة وكذا ..
وبالوقت نفسه كان برا بالششارع خالد وعبدالله يلعبون كووورة
اذن المغرب الكل طلع يصلي ودخل خالد وعبدالله للمجلس تبعهم اللي معاه كتااب يذاكر واللي يتابع التلفوزيون
شووي وصلت يووكن اسسود .. شد انتباه الشباب هنآك ويراقبون من بعد
ينزل رجال رزة وكبير يعني بالـ 45 وفوق ..
وينزل معاه كرتون فيه حآجـة .. وينزل كمآن شغلة صغيرة بيده
والعيال عليهم استفهآآآآآم وين هذا جاي لهم ولا لعمهم ولا لبيت الجيران
الا سالم يطلع له ويسلم ويدخله وياخذ الاغراض ..
شوي يقهوي الرجآال .. وسوالف عن حال سالم والشغل والعيال وكيف الاحوال
وسالم مستغرب نوعية هالرجال وكيف عرفه وانوووووووواع الاسئلة تدور بباله
ثم يجي الشششاي ..
الا ششوي ابو خالد ييمشي متجه لبيت سالم يبي يدخل معاهم
وزادهم حيرة
خالد يقول: من هالرجال وش يبي !! قلت يمكن شيء خاص بس ابوي راح يعني يمكن بيعطينآ ارض ولا فلة ولا مليون ريال ولا شيء
عبيد : هههههههههههههههههه ماتبي همر و تذكرة سفر لتركيا و تذكرة لمباراة الهلال مع النصر
خالد: اقول لايكثر بسس بروح انا داخل باكل لي شيء وانت رااقب
عبيد": جب لي معك شيء
خالد: أي حج بسس
عبيد: بتحج معي يالله !!
خالد: لا منبي بزران
عبيد: طس بسس يالله
ورآآح خالد ..
وهنآآآك سمر كآنت عند جدهآ وسندس تذاكر اختبارهآ .. وامل قاعدة عند التلفزيوون والباقي يلعبون ..
ربآ : ييمه يمممممممه
خولة": نعم اصصصصصصصص لايسمعك الرجال
ربا: الرجال جاب كرتووون فيه مدخل فخم فخم ..و سلسال من فضة يقدر بثمن
خولة:!!! هوووو وش يحس ب وشهوله
ربا: انا ابي السلسال
خولة: أي طيب روحي بسس
سالم : يحكي في الامر مع الرجآال .. ومدري ايش طيب بشووف ميصير خاطرك الا طيب
ويروح الرجآال ..
سالم يجي للصالة ..
خولة: هاا وش السالفة تراني ع اعصاابي من امسسس
سالم: ابد مافي الا كل خير
خولة: طيب وشو وش سالفة ابو خالد معكم !! في شيء وشهوله جايب هالاشياء
سالم : ابد بس ........................ << تبون تعرفون وش يبي الرجال من سالم .. وليه ابو خالد جاء لهم !!
وليه جاا بوقت متاخر

يبتع :
سالم : ابد بسس اخوي ابوخآلد هو اللي معرف هالرجآال لنآ وقايله عنآ .. وجا متاخر معنآ يبي نخلص السالفة ثم يدخل يسلم ..

خولة : ايه طيب وش يبي بالضبط هالرجال

سالم :< يهممس بعدين اقولك البنات الحين عندنآ

خولة : ايييه طيب تبي العششاء مبكر ولا متاخر

سالم : لا حوالي 10 ونص بالمجلس

خولة : صار
..
خولة : ي رب وش القصة !! اخخ بسسمتى يحكي < وتروح تصلح العششاء

وهنآ ابو خالد اول ماطلع من البيت طلع للبـر ..

البنات تعششوآ والكل راح لغرفته ..

خولة : تروح بالعشاء للمجلس

سالم : ياكل ويحكي .. شووفي يا خولة الرجال الله يسلمك عمره حوالي 55 وجااي يسال عن سمر

خولة : هآآآآآآآو وشششو 55 ويبي بنيتي باسم الله عليهآ

سالم: هششش يامرة قصري حسّك ماقلت هو انا جاي يخطبهآ لولده معاذ

خولة : ايييه اششوا طيرت عقلي .. طيب عمره شغله كيف دينه سالت !!

سالم : مابعد بس قلت يصير خيير .. كل اللي اعرف انه 26 ويشتغل بوزارة الداخلية بالرياض بسس

خولة : 26 !!موب كانه صغير

سالم : اقووووول 55كبير و26 صغير وش رايك تكتبين العمر المطلوب وتعلقينه عند الباب !!!!!

خولة : امزح امزح الراي راي البنت موب انا لاتعصب بسس

سالم : ههههههههههه طيب طيب
..

وابو خالد جا على الساعة 1 بالليل ..

طلع له عبيد : ابووووووي !!

ابو خالد: نعم

عبيد:وين الرجال راح !!

ابو خالد : نعم!! راح لبيتهم

عبيد: بيتهم وين !!

ابو خالد : بيتهم بالرياض

عبيد: بيجي مرة ثانية

ابو خالد : هيييييييييه < معصب وش تبي بالرجال انت وياكثر اسالتك فيني النووم

عبيد: احاول ان اجمع معلوومات حول الرجل <<

ابو خالد :: صحفي بالله انقلع مناااك مالي خلقك

عبيد : سمعا وطاعة ابتي بسس انتظرنآ في الساعة 9 ونص غدا الصباح <<

ابو خالد : طراااااااااااااااخ سكر الباب بوجهه

عبيد : يمششي ويسولف على عمره " ابتي يا ابتي .. كم انت عصبي .. بس وش يبي الرجال .. جاي يطق الباب

خالد : هييييييييه يا انت وش صار

عبيد : لاجا 9 ونص رح اساله < حدد الوقت

خالد : امحق محد يعتمد عليك

عبيد: ولا احد يتعامل معك

رآحوا يناموآ ..


وقت الصبااح على الساعة 9

في بيت ابو خالد .. سفرة الفطور بالصالة وام خالد وابوو ه حولهآ ..

وعبيد تو ه صااحي من النوم بااقي مشبع بس وراه طلعة بر ..

يمر يم الصالة يسسمع ام تقول : وش صار على امس واافق

عبيد : !!!!!!!!!!! ويطلع طاااااااااااير لغرفة خالد

يفك الباب .. ويصحي خالد . مارضي << كعادته نقز على بطنه

خالد : اعععععع وجع يا ويا < سب

عبيد : قام يسحب فييه قم قم امي تسال ابوي عن امس

خالد : لحوول رح اسمع وتعال قلي

عبيد: فااضي لك انا

وراحوا كلهم يتسمعوون

وصلوآ عند .. الام : ايييه يالله يوفقهم

< خلصت السالفة


خالد : ياااااااااااااثوووور لو مخليني بنومتي احسسن

عبيد : باك يالثقل متى تقوم\
.,
وهنآك ببيت سالم .. الكل ع سفرة الفطور.

الام .. تحكي مع سممر على الموضوع

سمر : ساااكتة

الام : فكري وشووفي وابوك بيسال عنّه

سمر : ساااكتتة

تفكر تفك عقدة زماان وترضى ولا تبقققى " الامل موجود"

المهم ..,

عبيد بالصالة..,

شيماء مرت بتروح للمطبخ

عبيد : بصووت خاافضه " مشمش "

شيماء: نعم

عبيد : تعالي تعالي

شيماء تجي تجلس جنبه

عبيد :امسس وشو صار ومنهو

شيماء " !!!!!!!!!!!! تكلم زين ولا قمت

عبيد: لحوول .. امس سمعتي شيء صار ببيت عمي

شيماء : لاا اصلا امس عند خوالي انا

عبيد : طيب امي ماقالت ششيء

شيماء: لا لا لا

عبيد : لاتصيحين طيب قوومي اساليهآ كذا بس لاتقولي اني قلت لك

شيماء": فاضية لك

عبيد : اقول قووومي < عصب .. اكيد فاضية لي "" ولا مااافي ششحن <

شيماء : لا لا اليوم خلص الرصيد

عبيد : اجل قوومي ولاعرفتي السالةف لك 50 "< اغراء

شيماء "اووووووووووووف بسس يكرم الشحن

عبيد : انقلعي بسس يالله
.,
شيماء تدخل على امهآ بالمطبخ.

شيماء : ييمه امس من جااكم !!

ام خالد: محد جانا ولاجينآ لاحد

شيماء : حتى عمي مو تقولي بناديهم !!

ام خالد : لا عندهم رجال امس

شيماء . منهم !!

ام خالد : رجال وبسس مدري

شيماء :: تناظر للباب << عبيد وااقف هنآآك : يسوي بيده حركة " يهددهآ لو ماجابت الجواب << ويوم رجعت تسال

ضحك " خبلة مشمش تصدق"

شيماء : يممه طيب يعني يعرفونهم !! تجهز القهوة وتجي

ام خالد : من الرياض جايين ..

شيماء؟: من الريااااض حركات وش يبون

ام خالد: ياكثر اسالتك يابنيتي

شيماء: تكفين يمه

ام خالد : طيب بقوول بس لاتعلمي احد كانك متدري

شيماْء: طيب

ام خالد : جايين يخطبون سممر لولدهم


شييماء : والله واخيييييييييييييييييييييييييرا << تبي الفكة من الاساس

ام خالد : اشوفك فرحتي كانك اللي بتعرسين مو هي

شييماء: هااه لا يمه بسس افرح لها

ام خالد : طيب رووحي يالهل خليني اجهزز اشغالي

شيماء طيب

وترووح لعبيد ..

عبيد : وش صار

شيماء : ابد جايين يخطبووون سمر

عبيد : وشششششششو!! لاعااد

طيب باي << طلع برا البيت

كلم خالد وقاله ابيك ضروري ..

جا خالد وقاله على اللي صار

خالد : وقف نعم !!!

عبيد : هههههههههه وش فيك صنمت

خالد : ولاشيء ..وطلع

خالد : طلع لعمه .. وهو تو بيركب السيارة

خالد "هلا عمي

سالم: هلا بك امممرني

خالد: صدق اللي سمعته

سالم : وش سمعت !!

خالد: امس الرجال

سالم : اييه صدق

خالد: تعرفه طيب من الريااض !!

سالم : أي وش فيهآ لو جازان وابووك نفسه اللي جاب ابو الرجال لنآ

خالد: نعم نعم ابووووووووووي وش دخله

سالم: اساله ابوك اعرف

خالد: ايه طيب يالله اجل مانيب مطول معك

ويروح خالد لابووه

يبه : كيف عرفت الرجال وليه بالذات لسمر

ابو خالد : والله اعرفه من عز شبابي وقال يبي يزوج ولده لبنت حلوة واخلاق ومعروف اهلهآ

قلت مافي غير بنت اخوي وقلت له وعززم الا يخطبهآ وبسس هذي السالفة

خالد : ياسسسسسسلام خلصوآ عيال الديرة

ابوه: اقوول اركد ولترفع صووتك وش فيك انت

خالد: ماانيب رااااااااااكد

ابو ه: خالدد !!

خالد: مانيب انا ولا هو

ابوه: نعم نعم !! وش انت

الرجال خطب قبلك وبعدين تووك بزر

خالد : بزر ارضع وش دخلكم

ابوو ه : اقول ترا مصختهآ عااد وانسسى ولاتحلم وآجد

خالد :اخطبها لي والحين

ابوه : لو وششو مارحت

خالد: بروح انا ..

ابوه : اقوول اركد وخلك زي ما انت

خالد: والله ثم والله .. اذا ماخطبتهى لي متشووف وجهي خير شر

ابووه: اذكر الله ورح صل بسس احسن لك

خالد : طيب طيب وطرااااااااااااااخ < الباب

ام خالد: عماا وش ذا < جات من المطبخ

ابو خالد : هذا ولدك الاهبل جااي يهدد يوم عرف بسالفة خطبة سمر

ام خالد : يوووووووووووه

ابو خالد : الله يستر منه

ام خالد : خله يجي بكلمه

ابو خالد : ماينفع معه ماخذهآ عنااد بس
...
المهم العصــر .. كان سالم واخو ه يحكون ويقوله وش صار مع ولده

سالم: اهااا وانا اشوف جايني معصب يسالني

ابو خالد : جااك بعد

سالم : اييه وسال كم سؤال وراح

ابو خالد : طيب وش صار على البنت وافقت

سالم : توهآ بكرا بتقرر أي ولا لا حتى نعطيهم خبر

ولا سالت عن الولد ملتزم وحليل ..

ابو خالد : ماشاءالله الله يتمم اللي فيه خـــــــــير
..

سمر وصلهآ مسج من عبيد : يبارك لهآ ... ويوصي اول ولد باسمه < يستهبل

المهمـ يوم الثلووث اللي هو بكرا .. يوم القرا ر ..

البنت واافقت ..

كللووووووووووووش ..

صار الخميس يووم الشووفه

كان الوضع يحمس .. وخاايفة .. وتكلم بنت عمتهآو وتعطيهآ نصايح وكذا
..
الخميس اخر العصصر جو اهل المعرس يشوفوا البنت .. والمعرس والرجال راحوا يصلون المغرب
المغرب
اجتمع الرجال كلهم وعيال ابو خالد بعد .. خالد : مازل عيونه من معااذ .. ومعاذ كل مايناظر الا خالد بعيونه ينزل عيونه ..

وعبيد يروح يم معاذ ويفلهآ ..

عبيد: معاذ باي صف

معاذ : هههههههه خامس

عبيد : يووه كبير

معاذ: ههههه يحليلك شكلك فلة تصلح لي

عبيد: انا . ادري اصلح لكل الانس والجن

معاذ: وش ثلة القرابة

عبيد: انا بصير عمك

معاذ:هههههههههههههههه عمي ليه

عبيد: لاني ولد عمهآ وعمك <<

معاذ: احلى ع اجل

عبيد: اسكت ترا اسحي

معاذ : طيب طيب بنسكت

وخالد مفهههي

معاذ: وش في هذاك ينااظر كاني مسوي له شيء

عبيد: هذاك اخوي ههههههه

معاذ: تصدق خايف منه من جلست

عبيد: خلك منّه بسس

سالم : معاذ يالله للمجلس الثاني

تو بيطلع : عبيد : لحقه وراه : انتبه لاتنعمي

معاذ: ليه برووح اسوي عملية ليزر

عبيد: اققققققققوى

معاذ : طيب وش تبي تمشي معي

عبيد: مب قلت عمك بدخل معك

معاذ: تدخل معي !!!

عبيد: امزح رحح بسس بروح انا جيب الشاااي

معاذ: اششششششوا

عبيد: ههههههههههههه
..
المهم رآح لهنآك ..

وتدخل سمر خمس دقايق وطلعت <<

معاذ : جلسسسسسسسس يفكر مستانس يبي يصرخ يبي يبكي < احساسه غريب نوعا ما
..
ويروح للمجلس الثاني حق الرجال ..

عبيد: هاا بششر البضاعة كويسة

معاذ:اقووووول ما اسمح لك

عبيد: احلاااااااااااااااابدينآ تونآ ترا

معااذ: الا اقوول وين اخووك

عبيد: طلع ورانا مدري يمكن منقهر شوي

معاذ: منقهر!!

عبيد: امزح امزح راح عنده شغل هههه < بغا يتوهق

معاذ : ايه طيب
..

المهم الساعة 9 طلعوآ يركبون سيارتهم ..

اخر واحد معاذ ناشب له عبيد سوالف ..

تو بيخرج يم الباب الا خالد موقف هنآك ...

مابخليك تتهنـى ونهايتك على يدي قريبة

معاذ: وقف شعر جسسمه !!

عبيد : تووهق .. معاذ امش معليك يمزح خخخخ

معاذ : طيب طيب

ويفككر في كلامه طوول الطريق
..

و سمر : يوم راحت للغرفة تنآم تحصل مسسجين .

الاول : من بنت عمتهآ نوررة تسال وش صاار ..

والثاني : من خالد : [ مبروووك عليك معااذ . بس لاتحلمي به وااجد
..

سمر : خييييييييييييييير !!

سندس: وش فيك !!

سمر: خذي اقري

سندس : له له وش دخله وش يبي هذا !!
..
سمر : سحبت عليه .. ونامت
..

المهم مر شهرين ع هالسالفة ..

اتصلت اخت معااذ على سمر

هلا سمر كيفك اخبار ..

سمر: تمام انتي كيفك

اخت معاذ: بخير انا ودووم بخير يالغلا

شسسمه ترا معاذ يسلم عليك ويستاذن عآدي ياخذ الرقم مني !!

سمر : هاااه مدري مدري بسسال امي

اخته : طيب طيب يالغلا ردي لي لانه ازعجني

سمر : طيب يالغلا ..
..

سمر : يممه كذا وكذا < حكت لها السالفة

خولة: والله مدري عنّك القرار لك بس اشوف توهآ خطبه اصصبري

سمر: وانا مثلك بسس هو !!

خولة : قولي لهآ كذا رايك وشوفي
..

سمر تتصل على خته ..

سمر: هلا قلبي .. ووووو

اخته : لحظة بقوووله

معاذ": قولي لهآ مرةوحدة بسس ادري مو حلوة اكلمهآ هالوقت .. بسس في شيء بقووله لهآ من اول شاغل بالي

اخته : قالت لسمر كلامه وملززم مرة

سمر : طيب دام كذا عطيه من جوالك

اخته : طيب طيب

..

معاذ: هلا السسلام عليكم

سمر: وعليكم السسلام والرحمة

معاذ : شووفي مابطول ولا بحكي بسوالف قدادم بنحيك فيهآ طيب

بسس بسالك .. وش بينك وبين خالد

سمر: وقفت < كيف عرفففف

سمر : مابيننآ شيء حاليا

معاذ: احكي بامانة وربي مابيتغير حاجة بس في لغز ابي يحل

سمر : تبي الصراحة كنت وكنت قبل بسس خلاص انتهى .. وبعد ذاك اليووم اللي طلعت منه جاني مسج منه يهدد

معااذ: نعم !! حتى انتي

سمر : ليه صار لك شيء

معاذ: هاااه .. بصراحة أي بس وجه لوجه

بسس تعاالي اذا بيسبب مشاكل بين اهلك وبيسوي لك حاجة خلاص

سمر: خلاااااااااص وشششو بهالسهولة

معاذ: لا مو قصدي لاتفهمين غلط بسسس وااضح انه بيسوي شيء قوي

سمر : سااكته ..

معاااذ: الووووووووو الوووووووو

سمر : ساكته ..

معاذ : بليز لاتفهمين غلط مو قصصدي وخلاااص مابتخلا عنّك لو شو ماصار

سمر : طيب اخليك في امان الله

وسككرت
..
سمر : اشغلهآ سالفة خالد وش يقصد بتهديداته وتهديدات لمعاذ..

خالد : بطل دراسة بامريكآ .. ودور لى شغل خلال هالشهرين وحصصل وبدا شغله مااشي ..

وهو سااكت ماطلع منه أي شيء ..
بعد شهرين الملكة تقريبا في صفر ..

وش صار قبل الملكة .. وكيف تحوولت ايام الفرح والوناسة لعايلة سمر لايام حزن وكدر
خلوكم وياي



و الاجزاء االباااااقيه نزهم بعدين

يسلمووووووووووووووووووووووووووووووووووووووووووووووووو بس كمليهآ

يسلمو بس كملي

يسلمو بس كمليها

لأنها قصة جميلة

يسلموووو

ودي

قصه حزينه


يعطيك العافيه ع الموضوع

يسلمووا

ودي

مننننن عنووووووووووووووووووووووووني بكملها